Jami’an tsaro sun ceto daliban da ’yan bindiga suka yi garkuwa da su a Jami’ar Kimiyya da Fasaha ta Jihar Kogi.
Rundunar hadin gwiwar sojoji da sauran hukumomin tsaro ta ceto daliban su tara ne bayan musayar wuta da ’yan bindigar.
Rundunar Sojin Kasa ta Najeriya ta ce a samamen da suka kaddamar a Dajin Osara, yankin da jami’ar take, suka murkushe ’yan bindigar da suka sace daliban.
Sanarwar rundunar ta ranar Lahadi ta ce tserewa ’yan bindigar suka yi suka bar daliban, ganin cewa jami’an tsaron sun fi karkfinsu.
- Garkuwa: Matashi ya yi wa ’yar uwarsa yankan rago da reza a Zariya
- An kama dan shekaru 75 da miyagun kwayoyi
- Mai ’ya’ya 12 ya mutu a ɗakin karuwarsa
Rundunar ta ce sojoji sun kuma ceto wasu mutane 17 da aka sace a Karamar Hukumar Batsari ta Jihar Katsina.
An ceto mutanen ne bayan daukin da sojoji suka kai inda suka bi sawun ’yan bindigar da suka sace mutanen, suka yi musayar wuta tare da ceto mutanen bayan ’yan bindigar sun tsere.
A Jihar Zamfara ma sojoji sun ceto wasu mutane biyu da aka yi sace a kauyen Danzara da ke yankin karamar hukumar Maru.
