Allah Ya yi wa fitaccen malamin addinin Musulunci a Jihar Kano, Shaikh Dokta Yusuf Ali rasuwa.
Sheikh Dokta Yusuf wanda shi ne Sarkin Malaman Gaya ya rasu ne a daren Lahadi bayan ’yar gajeriyar rashin lafiya, yana da shekaru 73.
- Zaben Kano: Yau kotun daukaka kara za ta zauna kan karar Abba da Gawuna
- Yadda ’Yan Najeriya Za Su Kwaci Hakkinsu Daga Gwamanti Cikin Sauki
Yar marigayin, Dokta Bilkisu Yusuf Ali ta shaidawa Aminiya cewa za a yi janaizarsa a yau Litinin da Azabar a Masallachin Murtala da ke kan titin Gidan Zoo.
Shehin malamin ya gudanar da rayuwarsa ta aikin gwamnati a matsayin alkali, inda ya jagorancin kotunan Shari’ar Musulunci daban-daban a Jihar Kano, kafin ya yi ritaya a shekarar 2009.
Bayan koyarwar addinin da ya dauki tsawon lokaci yana yi, malamin ya yi tashe wajen taimaka wa al’umma ta bangaren neman lafiya daga shafar aljanu.
