Ta tabbata dan wasan bayan Real Madrid kuma kaftin dinta, Sergio Ramos ya bar kungiyar bayan shafe shekara 16.
Rahotanni daga kasar Spain sun ce Ramos zai tattauna da manema labarai a ranar Alhamis don tabbatar musu da barin kungiyar, bayan shafe tsawon lokaci ana tattauna game da makomarsa.
- Zamfara: An kashe ’yan bindiga da dama yayin artabu
- Ronaldo ya ja wa Coca-Cola asarar Dala biliyan 4
Dan wasan mai shekara 35 ya buga wasanni 21 a bana, inda ya zura kwallaye hudu tare da taimakawa wajen zura guda daya.
Ramos ya sha fama da rauni a kakar wasan da aka kammala a bana, wanda hakan ya sa bai samu damar shiga ciki jerin ’yan wasan da za su wakilci Spain a gasar Euro 2020 ba.
An jima ana rade-raden zai iya komawa kungiyar PSG, Manchester City ko kuma Sevilla.
