Sakataren Gudanarwar Kungiyar Tuntuba ta Arewa (ACF), Alhaji Mohammed Sani Soba, ya kwanta dama.
Alhaji Mohammed Sani Soba ya rasu ne bayan ya yanke jiki ya fadi a ranar Asabar, 4 ga Satumba, 2021.
- Kotu ta raba auren matar da mijinta ya kama da kwarto
- An yi garkuwa da tsohon Manajan gidan Talabijin na Katsina
Sakataren Yada Labaran ACF, Emmanuel Yawe, ya tababtar a ranar Talata cewa, “Rasuwar ta kada mu matuka a ACF, inda ya shafe shekaru yana aiki har zuwa lokacin rasuwarsa.”
Ya bayyana mamacin da cewa mutumin kirki ne da ya hidimta wa kungiyar ta ACF a matsayin Sakataren Gudanarwa.
Mamacin tsohon Babban Sakatare ne a Gwamnatin Jihar Kaduna, bayan ya yi ritaya ya kama aiki da ACF a matsayin kwantaragi.
Sanarwar rasuwar da ACF ta fitar ta ce, “An haifi Soba ne a 1949 sannan ya yi karatu a cikin gida da kasashen waje a fannoni da dama na mulki da ayyukan majalisar dokoki.
“Ya taba zama Akawun Majalisar Dokokin Jihar Kaduna.”
