Hukumar kwallon kafa ta Portugal ta sallami kocin tawagar ’yan wasan kasar, Fernando Santos daga aikinsa.
Wannan na zuwa ne kwana uku bayan rashin nasara da Portugal ta yi da ci daya mai ban haushi a hannun Maroko a matakin Kwata-Fainal a Gasar Kofin Duniya da ake yi a Qatar.
- Ganduje zai sa hannu kan hukuncin rataye Abduljabbar
- Yadda Buhari ya kashe wa yankin Neja Delta N220bn
Santos dai ya ajiye Ronaldo a wasan da Portugal ta yi da Switzerland, wanda ta yi nasarar jefa kwallo 6 da daya a raga.
Amma wasan da Maroko ta yi waje da Portugal ya bar baya da kura, musamman yadda kocin ya sake ajiye Ronaldo a benci har sai bayan da aka dawo daga hutun rabin lokaci.
Santos ya jagoranci Portugal wajen lashe Gasar Europe a 2016 da kuma kofin ‘UEFA Nation League’ a 2019.
Hukumar kwallon kafa ta kasar, cikin wata sanarwa da ta fitar a yammacin ranar Alhamis, ta ce wannan shi ne lokacin da ya dace Portugal ta raba gari sa kocin.
