Al’umar Musulmi a kasar Ghana sun yi tattaki dauke da kwalaye da aka rubuta kalaman zaman lafiya a jikinsu, da zummar ganin an yi zaben kasar cikin zaman lafiya da adalci.
Sarkin Zangon Mampong, birni na biyu a Jihar Ashanti na kasar, Alhaji Ahmad Usman ne ya jagoranci tattakin domin tunkarar zaben wanda za a yi a ranar 7 ga watan Disamban shekarar 2020.
Muhammad Kamil Hashim wanda ya halarci tattakin ya shaida wa Aminiya cewa Musulmin sun yi tattakin ne a ranar Juma’a 30 ga watan Oktoba.
Ya ce za kuma a shirya taron kara wa juna sani a kan zaman lafiya a nan gaba kadan.
Ga kadan daga cikin hotunan yadda tattakin ya guda na.
Daga tsakiya Sarkin Zangon Mampong, Alhaji Ahmad Usman ne a lokacin da ya jagoranci al’umar Musulmin da suka yi tattakin neman a yi zabe lafiya.
Wasu daga cikin masu tattakin.
Wani sashe na masu tattakin neman a gudanar da zaben mai zuwa cikin zaman lafiya.
Masu tattakin zaben dauke da sakonnin neman zaman lafiya.
Wani mai tattaki dauke da sakon da ke nuni da addinin Musulumci na zaman lafiya ne.
Wani sashe na masu tattakin da ya hadar da dattawa.
Wani matashi daga cikin masu tattakin dauke da sakon da ke bukatar zaman lafiya a lokacin zaben da ke tafe.
