Wata motar haya dauke da fasinjoji 18 ta kama da wuta a yayin da take tsaka da tafiya da su.
Lamarin da ya faru ne a kauyen Komo Araromi da ke kan titin Ajase Ipo a Jihar Kwara, amma an auna arziki fasinjojin sun tsallake rijiya da baya.
- NAJERIYA A YAU: Majalisa Ta Kafe: Takarar Zabe Haramun Ne Ga Masu Mukamin Siyasa
- Zainab Nasir Ahmad: Yadda shan shayi zai kawar da shayi
Motar bas din da hakan ya ritsa da ita kirar Hiace ce, kuma ta taso ne daga Oshogbo a Jihar Osun, kwatsam sai ta kama wuta da misalin karfe 10:57 na safiyar ranar Alhamis.
Sai dai an yi sa’a daukacin fasinjojin motar sun fice daga cikinta a kan lokaci, babu wanda ransa ya salwanta.
Kwamandan Hukumar Kiyaye Hadura ta Kasa (FRSC) a Jihar Kwara, Jonathan Owoade, ya tabbatar wa Aminiya da faruwar lamarin ta wayar tarho.
Owoade ya ce wutar ta kama ne sakamakon yoyin man fetur a motar, wanda ya sa ta kama da wuta.
