Wasu mahara da ake kyautata zaton mayakan kungiyar Boko Haram ne sun kaddamar da hari a garin Babbangida, hedkwatar Karamar Hukumar Tarmuwa, a Jihar Yobe.
Wata majiya a yankin ta tabbatar da cewa mayakan na can suna musayar wuta da dakarun sojojin da ke yankin.
- Basarake ya rantse da Alkur’ani a masallaci cewa ba ya taimaka wa ’yan bindiga
- Muna so APC ta shekara 50 tana mulkin Najeriya – Ali Modu Sheriff
A cewar majiyar, tuni mazauna yankin da dama suka fantsama cikin dazuka don tsira da rayukansu.
“Yanzu haka muna cikin daji don tsira da rayuwarmu, na san yanzu ma haka kana jin karar harbe-harbe,” inji majiyar.
Harin dai na zuwa ne bayan an dan sami sassaucin yawan kai hare-haren mayakan Boko Haram da na ISWAP a yankin Arewa maso Gabas a ’yan kwanakin nan.
