Wasu fusatattun matasa sun banka wa wasu mutum biyu wuta kan zargin su da fashi da makami a birnin Ibadan na Jihar Oyo.
Mutanen da ake zargin ’yan fashi ne, an kone dayansu ne a madakatar mota ta ASAS, dayan kuma an kone shi a yankin Oke Addo.
- Mutum 23 sun sheka lahira, 33 sun ji rauni a hatsarin tirela a Neja
- Matan da suka fi tashe a Najeriya a 2020
- Mace-macen da suka fi girgiza Najeriya a 2020
Mai magana da yawun Rundunar ’Yan Sandan Jihar Oyo, Olugbemiga Fadeyi ya tabbatar da faruwar lamarin a ranar Litinin, inda ya ce jami’an Amotekun sun ceto daya daga mutanen a hannun matasan.
Fadeyi, ya kara da cewa rundunar tasu ta fara bincike don gano dalilin da ya fusata matasan har suka dauki hukunci a hannunsu.
Sai dai ya ce Rundunar ba za ta lamunci daukar doka a hannu ba, domin a cewarsa kotu ce kadai ke da hurumin tabbatar da laifin mutum.
