Majalisar Wakilai ta yi watsi da kiran da aka yi na zartar wa wadanda aka samu da laifin fyade hukuncin dandaka.
Majalisar ta dauki matakin ne ranar Alhamis bayan kiraye-kirayen da aka yi sakamakon yawaitar rahotannin fyade da ake samu a Najeriya.
- Za a rataye wanda ya kashe ’yar shekara 3 ta hanyar fyade
- Matashi ya yi wa tsohuwa ‘yar shakera 70 fyade
Hakan ne ya sa dan majalisa James Faleke ya bukaci a yi dokar dandaka ko fidiye masu aikiata fyade a kasar.
Da yake mayar da martani a kan kudirin, Shugaban Majalisar Femi Gbajabiamila ya tambayi Faleke cewa. “Su kuma matan da suka yi wa mazan da suka fi karfi fyade wane hukunci za a yi musu?”
Wannan batu ya janyo ka-ce-na-ce a majalisar.
