Majalisar Dokokin Jihar Sakkwato ta amince da dokar hana nuna wariya ga nakasassu a jihar.
Hakan na zuwa ne bayan bukatar da Hon. Maidawa Kajiji (APC-Shagari) da Hon. Abubakar Magaji (PDP- Bodinga ta Arewa), suka gabatar a zaman Majalisar ta ranar Laraba.
- Ba’amurkiyar da ta kashe dan Najeriya ta shiga hannu
- Mayakan Boko Haram sun kai hari Geidam
- Rarara: Ina wakar Buhari da ’yan Najeriya suka biya kudade?
Kudirin ya samu karatu na farko da na biyu ne a ranar 23 ga Yulin 2020 kafin a mika shi ga Kwamitin Kula da Walwala da Bunkasa Al’adu da Kyautata Rayuwa na Majalisar.
Da yake gabatar da rahoton, Shugaban Kwamitin, Hon. Kabiru Dauda, ya ce kwamitin ya gana da duk masu ruwa da tsaki kan batun.
“A lokacin taronmu kwamitin ya lura cewa wasu bangarorin kudirin ba su da mahimmanci.
A cewarsa, wasu bangarorin ba su dace da tsarin zamani na tsara dokoki ba kuma duk an gyara kura-kuran rubutu.
Daga baya ‘yan majalisar sun amince da rahoton kwamitin sannan suka aminci da kudirin.
