Wani magidanci ya yi dambe da ’yan bindiga a lokacin da suka je domin yin garkuwa da shi a kauyen Kidandan da ke yankin Birnin Gwari a Jihar Kaduna.
Da misalin karfe 2 na dare kafin wayer garin Litinin ne ’yan bindigar suka shiga kauyen suna harbi, lamarin da ya jefa al’ummar yankin cikin zullumi.
Wani shaida a kauyen ya ce maharan, “Sun yi kokarin tafiya da shi da karfi, amma suka kasa, saboda haka suka tafi da matarsa da ’ya’ya uku, shi kuma aka kai shi asibiti daga basani.”
Shaidu sun ce maharan sun yi nufin yin garkuwa a mijin matar ne, amma ya ba hamata iska da su, ya kwaci kansa, inda a garin fadan suka ji masa rauni.
- Amarya da kawayenta sun mutu a hatsarin mota a Neja
- An yanke mazakutar malamin allo daf da aurensa a Zariya
- Ciyamomin Borno za su fara sa hannu a rajistar zuwa aiki
Mai unguwar Kidandan, Alhaji Abubakar Umar Ruka, ya tabbatar da harin, sai dai ya ce ba shi da masaniyar ko duka yaran da aka tafi da su matar ce mahaifiyarsu.
