Atletico Madrid ta sanar da cewar dan wasan gabanta Luis Suárez zai bar kungiyar da zarar an kammala kakar wasanni ta bana.
Suárez ya shafe shekara biyu a kungiyar, bayan barin kungiyar kwallon kafa ta Barcelona, inda ya lashe gasar Laliga a bara.
- Zan dama da ’yan Kudancin Kaduna a mulkina —Sani Sha’aban
- Kullum kara kaunar Adam A. Zango nake yi —Safiya Chalawa
Atletico Madrid ta tabbatar da cewar ba za ra sabunta kwantaraginsa dan wasan mai shekara 35 a duniya.
Tuni wakilin dan wasan dan asalin kasar Uruguay ya soma laluben nema masa sabuwar kungiya amma a nahiyar turai.
Luis Suárez ya buga wa Atletico Madrid wasanni 44 a bana, inda ya zura kwallo 13 a raga.
Dan wasan ya bar Barcelona a 2020 bayan da sabon kocinta a lokacin, Ronald Koeman ya ce ba ya daga cikin ‘yan wasan da zai yi amfani da su.
