Kotu ta yanke hukuncin daurin shekaru 30 ga wasu mutane biyu da aka kama suna yin sojan gona a matsayin jami’an hukumar yaki da masu karya tattalin arziki (EFCC).
Dubun jami’an EFCC na bogi — Ugwu Chijioke da Ibrahim Adekunle — ta cika ne a lokacin da suka je domin zartar da wani jabun umarnin kotu a unguwar Lekki da ke Legas a watan Mayun 2021.
Abubuwan da aka kama a hnnun wadannan jami’an EFCC na bogi sun hada da jabun katin shaidar aiki da rigunan hukumar da kuma takardar umarnin gobi daga Kotun Majistare da ke zamanta a Mushin.
Hukumar ta gurfanar da su a gaban Kotun Laifuka na Musamman da ke Ikeja, kan laifuka biyar na yin damfara, sojan gona, mallakar takardun bogi amfani da kayan EFCC ba bisa ka’ida ba.
- An kashe mutum 5 bayan mutuwar Bafulatani a giya
- NAJERIYA A YAU: Hadarin Da Ke Tattare Da Cin Naman Layya Fiye Da Kima
Bayan sun amsa duk laifukan, Mai Shari’a O.O. Abike-Fadipe ya yanke musu hukundin daurin jimillar shekaru 46 kowannensu.
Alkalin ya yanke musu hukucin daurin shekara takwas kan laifi na biyar, shekaru bakwai-bakwai a kan laifuka na 1 zuwa na 3, da kuma shekara guda kan laifi na hudu.
