An samu karin mutum 1,598 da suka kamu da cutar COVID-19, cikinsu har da mutum bakwai da suka rasu a Najeriya.
Hukumar Yaki da Cututtuka Masu Yaduwa (NCDC), ta bayyana hakan a rahotonta na ranar Asabar.
- An yi jana’izar Sarkin Tangale Na 15
- Tsoron iyayenmu na hana maza neman aurenmu —’Yan matan barikin soja
Ta ce zuwa ranar mutum 108,943 ne aka gano suna da cutar COVID-19 tun farkon bullarta Najeriya, ana jinyar 22,156, mutum 1,420 kuma sun rasu.
Rahoton ya nuna Jihar Legas ce mai mafi rinjayen wadanda suka kamu a ranar Asabar da mutum 461, sai Birnin Tarayya Abuja, mutum 206.
Jihar Filato na da mutum 197, Ribas 167, Kaduna 116, Anambra 53, Ogun 49, Ebonyi 47, Edo 42, Sakkwato 32 sai Imo 31.
Mutum 31 sun kamu a Katsina, Oyo 30, Akwa Ibom 27, Delta 16, Kano 16, Abia 15, Neja 15, Ondo 11, Bayelsa 10, Borno 9, Kebbi 8, Ekiti 7 sai Jihar Jigawa mutum 1.
