Jarirai 10 asbbin haihuwa sun mutu a wata gobarar da ta tashi ranar Asabar a wani asibitin gwamnati da ke Yammacin kasar Indiya.
Jarirai 17 ne ke sashen kula da jarirai a lokacin da gobarar ta tashi a Babban Asibitin Lardin Bhandara a Jihar Maharashtra.
- Sai mun ga bayan ta’addanci a Najeriya a 2021 —Buhari
- ‘Dalilin da muka hada bikin shan rake’
- Boko Haram ta yi garkuwa da Hakimi a Yobe
- Kotu ta yanke wa matashi hukuncin bulala a Kano
Ministan Lafiya a Jihar, Rajesh Tope, ya ce uku daga cikin jariran sun kone ne kurmus, bakwai kuma sun mutu ne sakamakon hayakin da ya sarke musu numfashi.
Ya kuma bayyana cewa ma’aikatan lafiya sun yi nasarar kubutar da ragowar jarirai guda bakwai da ke bangaren.
Wani jami’in lafiya a yankin Bhandara, Prashant Uike, ya ce yaran da suka mutu ’yan kwanaki kadan da haihuwa zuwa wata uku ne.
Gwamantin Indiya ta ba da umarnin a bincko musabbabin gobarar ta safiyar Asabar da kuma yanayin ingancin kula da lafiya bayan haihuwa.
Ministan ya ce, rahoton farko-farkon da aka samu na nuna gobarar da ta tashi ne fara ne daga wata kwalabar sanya jariyar da ta kama da wuta.
“Ma’aikata sun ce cikin kankanen lokaci dakin ya turnuke da bakin hayaki,” inji shi.
Gwamnatin kasar dai ta damka wa iyaye jariran gawarwakinsu, inda za ta biya kowannensu diyydar Rupee 500,000 (kimanin dala 6,800).
