Sanata Rabiu Musa Kwankwaso, wanda ya tsaya takarar shugaban ƙasa a 2023, ya karɓi ’yan APC zuwa jam’iyyar NNPP a Jihar Kano.
Kwankwaso, ya bayyana hakan ne a ranar Juma’a ta shafinsa na X, inda ya ce waɗanda suka sauya sheƙar ’yan jam’iyyar APC ne.
“Jiya rana ce mai muhimmanci,” in ji shi.
“Na karɓi dubban mutane da suka bar jam’iyyar APC suka dawo NNPP.”
Ya ce taron ya gudana ne a gidansa da ke Kano, inda ya yi wa sabbin mambobin maraba da kuma alƙawarin adalci da haɗin kai a cikin jam’iyyar.
An wallafa hotunan taron a shafukan sada zumunta.
Ga hotunan a ƙasa:
