Mahukunta a Legas sun yi feshin maganin kashe kwayoyin cuta a Babban Masallacin Juma’a na Agege, wanda ake kira da Masallacin Alaja.
A masallacin ne dai ake zargin wasu masallata sun yi wa jami’an Kwamitin Cika-Aiki kan Yaki da Coronavirus ihu sun kuma jefe su.
Shugaban karamar hukumar Agege Alhaji Kola Egunjobi ne ya jagoranci aikin feshin a ciki da harabar masallacin ranar Alhamis.
Bugu da kari ma’aikatan duba gari na jihar sun sanya shinge a kewayen masallacin wanda ke tsakiyar garin Agege.
