Hukumar Hisbah a Jihar Kano ta cafke wasu mutum 78 maza da mata bisa zargin hada auren jinsi a tsakaninsu.
Hukumar ta cafke su ne a unguwar Nassarawa GRA a wani gida da ya yi kaurin suna wajen aikata masha’a da ake kira ‘White House’.
- Mun dauki matakan kawo karshen karancin mai —NNPC
- Direba ya cinna wa kansa wuta saboda jami’an LASTMA sun kama motarsa
Bayanai sun ce Hisban ta kai samame gidan ne riski maza da mata cakude ana casu kari a kan kororon roba da suka jibge a na ta shagali.
Tuni Hisbah ta cafke mutum 78 yayin da wasu kuma suke tsere, amma hukumar a yanzu haka gudanar da bincike.
Wakilinmu ya ruwaito cewa, matasan wadanda suka musanta zargin, sun ce suna casun ne a matsayin bikin murnar zagayowar ranar haihuwar daya daga cikinsu.
Ko a shekarar da ta gabata sai da hukumar Hisbah ta cafke wasu matasa maza da ake zargi da yunkurin daura auren jinsi, wanda shi ma a wancan lokaci suka musanta.
