Camamar cin manda
Uwargida ta kai Uganda
Toyayyar masarta a tanda
kirgar kwanakinta da kalanda
Watsattsaken Turancinta a takarda
Karsashin karkanda
Kafada da kafada
Kuntukun kida
Kalangun gada
Kai-kawon gargadar garada
Mai watsattsake ta ci lamba
Makankarar zizara ta duba kitabi
Gidauniyar tallafin adabi
Tuni ta bude sabon babi
Adabin Ingilishi ya kai ta gaba
Bahaurobiya ta caba
Mai-kazar-kazar
Makurar-zur
Tuni ya yi mata bita zir
’Yar kasa ta farko da aka zaba
Lungun lallaga Turanci yai laushi
William Girgiza masu
Mai watsattsaken nusar da wasu
Shi ake gani da gashi
Kalamansa a ke ta kishi
Walle-wallen sonkai
Walawar watsattsaken sukar kai
Tattakin turmutsusun takarkarai
Turakun tunkudo tumakai
Tattare taron awakai
Ina talasurun kusu
Mai yawan musu
Dubo Jamus a kamusu
Da Kwalliyar dawisu
Walwalin walkiyar zubinsu
Ca’ammas
Cimakar gayun Tagadas
Ba na batun ’yan kasar Bahamas
Masu cika ciki cunkus
Carin cika cokali cascas
karshen tatsuniya kurungus
In aka ce kankusu
Lallai an yi kurmusu
Cus-cus
Babu cas, Ba as
Kimiyyar sarrafa sinadarai
Kanwa da gishiri wasarairai
Dakan damu da gudajin gayan dawakai
Sai ruwa garai-garai
Cakude-cakuden haddin kwarai
Nazarin halittu
Rayayyu da matattu
kwarangwal ya siffatu
kasusuwa sun daidaitu
bargon nama lullube da fatu
Fasahar kere-kere
Narka karafuna a tsare
Katakai a tattare
Cukurkudaddu a wawware
Zayyanar kankara kyamare
Kai ina amare
Ko kun iya dakan tabare
Tunkwal-tunkwal cikin dare
Tankade gari tsaki a ware
Sai a janyo gugar kwakware
Mu zamto babu bare
Bakake da farare
Mu daina sare-sare
A koyi zayyana da dinkin zare
A taimaka wa makafi da kutare
Balaguron Ba’are
babatun ta-bare
barambaramar a dare
Tabargazar ture-ture
A yi ta ’yan gyare-gyare
Kowane tudu da gangare
A Ifrikiyya an san birnin Harare
A Chadi an yi Hisan Habre
A Somaliya an kai hare-hare
Sudan ta Kudu ta ware
Masu yunkurin zare zare
Sai a zanzare
Da kwaliyar hadaka muka cancare
’Yan kwalisa sun cakare
Gushewar rudani ta hana mare-mare
A yi ginin rodi da kankare
Gidanmu ya zam kankarere
Wato Mahdi ka ture
Duk wuya mu jure
Ba ruwanmu da batun a bijire
Janwai
Jan igiyar jakkai
Jinkirin jigata karnai
Jikkar tara taro da nai
Jama’a na wai! Wai!
Jaridu dai-dai
dauke da tarin bayanai
Aminiyar aminiywan aminai
Ladarshafin littattafai
Matatar labarai
Banga-da-gadi
Batutuwa ba adadi
Ban da batun kaidi
A ce wasu sun bayar da wa’adi
Ci gaban kasa a hau bisa sirdi
Gadin-yana
Gardama a kowace rana
Gagarar ‘ya’yan bana
Gadon ’yan uwana
Gingima-gingiman ganguna
Dalilin-taronsu
Da dadewa ta sha gabansu
Ta bankado kurmusu
Bayanai ne babu musu
Ko kiren kanzon kuregen kusu
’Yan dugwi-dugwi na tsi-tsi
A ba su nama mai gautsi
Su gutsuri gurin guntsi
Tsoka da kashi mitsi-mitsi
Na kaza mai fatsi-fatsi
Buski da Burabisko
Cimakar ’yan makarantar bokoko
Watsattsaken wasa-wasar wasko
Wargaje gajiyar ’yan dako
dan Baba mai kartun allo ga koko
Sako-sako
A daina gararamba da dan koko
Ko harbin tsuntsu da danko
Mu daina mako
Bokan Turai a taimaki mai makoko
Make-maken makaho
Mabaraci mai taguwa da maho
Mahukunta sun nuna halin ko oho
Buhun abinci ya cika baho
A yanka mana dabba mai kaho
Gaisuwar sallah
Gareku bayin Allah
Wadanda suka tsaida ibada
A lullumin lumana babu baragada
A daina gaba don Allah
