Mikel Obi ya zama mashawarcin Gwamnan Filato kan wasanni

Gwamnan Jihar Filato, Caleb Mutfwang, ya nada shahararren dan wasan kwallon kafa Mikel Obi, a matsayin mai ba shi shawara kan harkokin wasanni.

Wata sanarwa da ke dauke da sanya hanun daraktan watsa labaran gwamnan, Gyang Bere ce ta bayyana haka.

• Sojoji sun nada Abdourahmane Tchiani shugaban kasar Nijar
• Gwamnatin Kano ta soke lasisin Kannywood

Har ila yau sanarwar ta ce gwamnan ya amince da nada Honarabul Sunday Samuel Amuna, a matsayin shugaban hukumar makarantun matakin farko ta Jihar (SUBEB).

Ya kuma nada Akitet Hart Bankat a matsayin Janar manajan Hukumar bunkasa garin Jos da kewaye (JMDB) da kuma Farfesa Christopher Sabo Yilgwan, a matsayin Shugaban Asibitin Filato.