Gobara na ci gaba da ci a Babbar Kasuwar garin Katsina, Jihar Katsina.
Gobarar wacce ke ci tun da safiyar Litinin ta jawo asarar dukiyoyi na miliyoyin Nairori.
- Rashin tsaftataccen ruwa: ’Yan Najeriya miliyan 60 na iya kamuwa da cututtuka
- Gobara ta kone rumfuna 63 a kasuwar Zamfara
Zuwa yanzu ba a san musabbabin tashin gobarar ba, amma wakilin Aminiya ya rawaito cewa kusan ilahirin shagunan da ke bayan bankin Unity da ke cikin kasuwar sun kone kurmus.
Har zuwa hada wannan rahoton dai ma’aikatan kwana-kwana na ci gaba da kokarin kashe wutar da wasu majiyoyi ke cewa ta tashi ne a bangaren masu injin nika da kayan abinci.
