Hukumar Kashe Gobara ta Jihar Kano ta ceto rayuka 72 da dukiyoyin da kudinsu ya kai Naira miliyan 38.6 a gobara a watan Satumba.
Kakakin hukumar, Alhaji Saminu Abdullahi, ya ce mutane tara ne suka rasa rayukansu a gobara 17 da ta ta lakume dukiyoyin da kimarsu ta kai Naira miliyan 14.8 da ta afku a cikin watan.
- Ana zargin maganin tari ya kashe yara 66 a Gambiya —WHO
- Ranar Malamai: Daliban Kano na neman a inganta walwalar malamai
A bayaninsa na ranar Talata a Kano, Alhaji Saminu ya ce, hukumar ta amsa kiraye-kirayen gaggawa guda 49, sannan ta samu kirayen-kirayen nema agajin karya 11 tsawon lokacin.
Ya bukaci jama’ar jihar da su kasance masu taka-tsansan da wuta sannan a i kira ga masu ababen hawa da su kiyaye dokokin hanya domin guje wa hadurra, musamman a lokacin damina.
