Shugaban Majalisar Wakilai ta Najeriya Femi Gbajabiamila ya taya Jam’iyyarsa ta APC murna bisa nasarar da ta samu a zabukan cike gurbi da aka gudanar ranar Asabar a fadin Najeriya.
A sakon da ya aike ta bakin mashawarcinsa kan kafafen yada labarai, Lanre Lasisi a ranar Lahadi, Gbajabiamila ya ce nasarar da APC ta samu a wasu jihohi ya kara tabbatar da irin kauna da gamsuwa da mutane da wadanda da jam’iyyar ta fitar a matsayin ’yan takara a kujeru daban-daban.
- Matsalar tsaro: Kusoshin PDP sun bukaci a tsige Buhari
- An ceto matar da ’yan uwanta suka kulle watanni 5 a daki
- Ganduje na bukatar jami’ar Amurka ta nemi afuwarsa saboda ‘damfarar sa’ da matsayin Farfesa
Gbajabiamila ya kuma mika sakon taya murna na musanman ga APC reshen Jihar Legas bisa nasarar da ta samu a zaben cike-gurbin mazabar Legas ta Gabas da mazabar dan Majalisar Jiha mai wakiltar mazabar Kosofe II, Tokunbo Abiru da Obafemi Saheed.
Shugaban Majalisar ya kuma taya Gwamnan Legas, Babajide Sanwo-Olu bisa nasarar da jam’iyyar ta samu a karkashin jagorancinsa.
Ya bayyana cewa APC za ta ci gaba da samun nasarar lashe zabuka a ko’ina a fadin Najeriya.
