A ranar Litinin da ta wuce ne Shugaban Hukumar Shirya kwallon kafa ta Sifen (FA) Jabier Tebas ya bayyana cewa hukumarsa ta canza ranar da za a yi wasa a tsakanin kulob din Real Madrid da FC Barcelona a gasar rukunin La-Liga na Sifen. Shugaban ya ce yanzu wasan zai gudana ne a ranar Asabar 23 maimakon Laraba 20 ga watan Disambar 2017 da misalin karfe 1 na rana agogon Najeriya.
Tun farko an shirya wasan zai gudana ne a ranar Laraba 20 ga watan Disambar 2017 amma saboda kulob din Real Madrid zai halarci Gasar Club World Cup da zai gudana a ranar 17 ga watan Disambar 2017 ne ta sa hukumar ta canza ranar zuwa 23 ga watan Disamba don a ba Madrid damar samun isasshen hutu kafin wasan.
