Rundunar ‘Yan Sandan Najeriya reshen jihar Bauchi, ta cafke wani dattijo mai shekaru 60, Muhammad Dahiru da ya yi wa ‘yar shekara 5 fyade a kauyen Nahuta na karamar hukumar Toro ta jihar.
Kakakin rundunar ‘yan sandan jihar, DSP Ahmed Muhammed Wakil, ya tabbatar da faruwar lamarin cikin sanarwar da ya fitar a ranar Talata.
- Matasa 4 sun yi wa ya da kanwa fyade a Bauchi
- An kama limamai 2 bisa zargin yi wa ’yar bautar kasa fyade
DSP Wakil ya ce dattijon ya yaudari karamar yarinyar zuwa wani kango inda ya keta mata haddii tare da yi mata barazanar kashe ta muddin ta labarta wa wani abin da ya aikata.
“Iyayen yarinyar sun gano rauni da jini da ke fita daga gaban yarinyar kuma aka tabbatar da abin da ake zargi a babban Asibitin Toro”.
“Mun kama dattijon da ake zargi kuma za a gurfanar da shi a kotu da zarar an kammala bincike,” inji DSP Wakil.
