Wani dan kwallon Najeriya mai suna Isaac Succes ya fi kowane dan wasa tsada a kungiyar kwallon kafa ta Watford da ke kasar Ingila.
dan wasan wanda ya sa hannu a kwantiragi na shekara biyar a kan Fam miliyan 12 da rabi hakan ya sa ya zama dan kwallon mafi tsada a tarihin kungiyar ta Watford.
Success wanda ya buga wasanni 30 a kungiyar Granada a rukunin La Liga da ke kasar Spain a kakar wasa da ta gabata ya zura kwallaye shida kokarinsa a wasa ya sa aka ba shi dan kwallon shekara na kungiyar Granada.
kungiyar kwallon kafa ta Watford ta tabbatar da sayen dan wasan a shafinta na twitter inda ta ce, “kungiyar Watford tana farin cikin sanar da sayen dan wasan gaba Isaac Succes a kudi mafi tsada a tarihin kungiyar.”
Mai shekara 20, Isaac Succes shi ne na uku da kungiyar ta saya bayan da Walter Mazarri ya zama sabon mai horar da kungiyar.
Dan Najeriya ya fi kowane dan kwallo tsada a kulob din Watford
Wani dan kwallon Najeriya mai suna Isaac Succes ya fi kowane dan wasa tsada a kungiyar kwallon kafa ta Watford da ke kasar Ingila.dan wasan…