Gwamnatin Jihar Filato ta koka kan yadda mutane a jihar ke yin watsi da matakan kariyar cutar coronavirus.
Kwamishinan Yada Labaran Jihar, Dan Manjag, ya bayyana hakan, inda ya ce mutane da dama ba sa amfani da takunkumi.
- Gwamnan Filato ya kamu da cutar coronavirus
- Sojoji sun cafke ’yan kungiyar asiri da ’yan fashi 33 a Filato
Kwamishinan ya ce dole ne gwamantin jihar ta wajabta wa mutanen jihar bin dokokin kariya da aka tanadar.
A taron masu ruwa da tsaki na jihar da ya gudana a ranar Laraba, gwamnatin jihar ta amince da rage cunkoson mutane a da kaso 50 cikin 100.
Sannan ta dakatar da dukkanin shagulgula a yayin bikin Kirsimeti, ta kuma wajabta sanya takunkumi da kuma kaurace wa taron mutane.
Gwamantin jihar ta kuma ba wa masu ruwa da tsakin umarnin wayar da kawunam al’umma tun daga tushe, don dakile bazuwar cutar a karo na biyu.
