An samu karin mutum shida da aka tabbatar sun kamu da cutar coronavirus, lamarin da ya sai adadin wadanda suka kamu a Najeriya ya kai 190.
Gaba daya mutum shidan dai a jihar Osun suke, kamar yadda Hukumar Yaki da Cututtuka Masu Yaduwa ta Najeriya (NCDC) ta sanar a shafinta na Twitter.
“Zuwa karfe 11.00 na ranar 3 ga watan Afrilu an tabbatar da mutum 190 sun kamu da COVID-19 a Najeriya. An sallami 20 daga cikinsu yayin da biyu suka riga mu gidan gaskiya”, inji sanarwar.
- Yawan masu Coronavirus a duniya ya haura miliyan 1
- Yadda matashi mai sana’ar tura kudi ke daukar matakan kariya daga Coronavirus
Har yanzu dai jihar Legas ce ke kan gaba wajen yawan wadanda aka tabbatar sun kamu da kashi 54 cikin 100, yayin da Yankin Babban Birnin Tarayya ke biye mata da kashi 21 cikin 100.
