Shugaban Kasa Muhammadu Buhari zai tafi kasar Habasa domin halartar taro kan tsaro da zaman lafiya a kasashen Afirka.
Fadar Shugaban Kasa ta ce a yayin ziyarar, Shugaba Buhari zai halarci taron tattaunawa kan matsaloli da ke addabar kasashen yammacin Afirka, tare da shugabannin kasashen.
- Kotu ta tsare matashi kan luwadi da karamin yaro a Kaduna
- Canjin kudi ya yi maganin masu siyasar kudi —Buhari
Buhari kai ziyarar aikin ne sa’o’i kadan bayan jawabinsa ga ’yan Najeriya kan sauyin kudi, inda ya kara wa’adin amfani da tsoffin takardun N200 zuwa ranar 10 ga watan Afrilu.
A cewarsa, zai ci gaba da lura da yadda tsarin sauyin kudin ke tafiya domin kada ya jefa ’yan Najeriya cikin kunci na babu gaira, babu dalili.
Ya bayyana cewa CBN zai ci gaba da aiki domin tabbatar da ’yan Najeriya na samun tsabar kudi ta hannun bankuna.
A halin da ake ciki, wasu gwamnoni sun maka CBN da Gwamnatin Tarayya a Kotun Koli kan sauyin kudin.
