Shugaban Kasa Muhammadu Buhari ya isa Jos, babba birnin Jihar Filato, don halartar taron kaddamar da yakin neman zaben Shugabancin Kasa na jam’iyyarsa ta APC.
Za a kaddamar da yakin neman zaben Bola Ahmed Tinubu da Kashim Shettima ne a filin wasannin motsa jiki na Rawang Pam a jihar ranar Talata.
- Tifa ta kashe ‘yan sanda 2 a kan hanyarsu ta zuwa aiki a Ekiti
- Gobara ta tashi a Kasuwar Singa da ke Kano
Bayanai sun nuna tun a ranar Litinin dan takarar Shugaban Kasa na APC, ya isa birnin na Jos don halartar taron.
Yayin taron, ana sa ran Tinubu ya gabatar da manufofi da tsare-tsarensa wanda Shugaba Buhari ya kaddamar kwannan nan a Fadar Shugaban Kasa da ke Abuja.
Ya zuwa lokacin hada wannan rahoton, an ga yadda aka girke jami’an tsaro a ciki da wajen taron.
