Kafar sadarwar BBC zai kawo cikakkun labarai kan gasar kwallon kafa na cin kofin Nahiyar Afirka karo na 30, wanda za a fara a gobe a Ekuatorial Guinea. BCC ya ce zai kawo rahotanni na musamman ne a kan kan ‘yan-wasa da kungiyoyin kwallon kafa ta rediyo, talabijin da kuma salula.
kwararrun masu sharhi kan kwallon-kafa na BBC za su rika kawo rahotonni kai tsaye daga garuruwa hudu da za su karbi bakuncin wasannin a kasar, da suka hada da Bata da Ebebiyin da Malabo da kuma Mongomo, sannan kwararrun za su rika bibiyar halin da kasashe 16 da za su fafata a gasar, tun daga zagayen farko a watan Junairu zuwa wasan karshe a ranar 8 ga watan Fabarairu.
Babu wani abu da kwararrun na BBC za su bari ba tare da sun taba a yayin gasar ba. Masu kallo da sauraro za su rika samun bayanai ne da dumi-duminsu tare da sharhi a kan duk wani wasa da za a yi.
Kafar sadarwar BBC ya ce zai kawo wasan bude gasar kai tsaye cikin harsunan Ingilishi da na Faransanci, a wasan da mai masaukin baki Ekuitorial Guinea za ta fara da Congo a babban filin wasan kasar ta Ekuitorial Guinea a ranar Asabar 17 ga watan Junairu. Sashin BBC mai watsa shirye-shirye a kasashen duniya, zai kawo wa masu saurare na nahiyar Afirka sharhi kai tsaye ta kafafen BBC Afrikue da BBC Swahili, dangane da manyan wasanni, tun daga wasannin dab-da-na-kusa-da karshe (kwata fainal) da na kusa da karshe (semi-fainal) da kuma wasan karshe (final)..
Masu amfani da wayar salula kuma za su samu bayanai ne kai tsaye daga kwararru kan manyan wasanni ta hanyar sharhi a rubuce.
Masu labaran wasanni na BBC za su rika kawo sharhi kan wasannin ta kafar tashoshin kawance na BBC da ke Afirka.
Masu san sauraron wasannin ko dai a Afirka ko a fadin duniya kuma za su iya samun bayanai da ma sharhi kan yadda wasannin suke tafiya daga tashar
rediyo ta Focus on Africa, a kowane lokaci daga cikin lokuta ukun da ake watsa shirye-shiryen,ko dai da karfe 1500 (uku agogon Najeriya) ko 1700 (biyar agogon Najeriya) ko kuma 1900 (bakwai agogon Najeriya) da agogon GMT.
Gasar za ta gudana ne a tsakanin ranakun 17 ga watan Janairu zuwa 8 ga watan Fabrairun 2015.
