Rundunar ’Yan Sandan Jihar Katsina ta kama wani matashi mai suna Naziru Sani, daya daga cikin yaran kasurgumin dan bindigar nan da ya addabi Jihohin Arewa maso Yamma, wato Bello Turji.
Sai dai matashin ya ce ba zai iya faden adadin mutanen da ya taba kashewa ba yayin ayyukan nasu a sassa daban-daban.
- Zan tsaya takarar Shugaban Kasa a zaben 2023 – Tambuwal
- Bayan kaddamar da dalar shinkafa: ’Yan kasa na son gani a kasa
Matashin, mai kimanin shekaru 25 dai mazaunin garin Makera ne a Karamar Hukumar Tsafe ta Jihar Zamfara.
Rundunar ta gabatar da Naziru ne ga manema labarai a hedkwatarta da ke Katsina ranar Litinin.
Matashin ya ce bai san iya yawan mutanen da ya kashe ba a lokuttan da suke kai hare-haren su.
Sai dai kamar yadda ya ce, duk lokacin da aka kai hari ana ba su N20,000 zuwa N30,000.
Naziru dai ya shiga hannu ne a lokacin da yake kan hanyar shi ta zuwa Jihar Neja wajen mahaifinsa, kamar yadda ya ce.
