✕ CLOSE Noma Da Kiwo Hotuna Kiwon Lafiya Girke-Girke Sana'o'i Kimiyya da Kere-Kere Ra'ayin Aminiya Ra’ayoyi Rahoto
Click Here To Listen To Trust Radio Live

Ana bin Filato bashin N200bn —Gwamna Mutfwang

Sabon gwamnan ya ce komai ya lalace a jihar kuma akwai bukatar kao daukin gaggauwa.

Sabon Gwamnan Jihar Filato, Caleb Mutfwang, ya ce ya gaji bashin da ya kai Naira biliyan 200 daga tsohuwar gwamnatin jihar.

Ya bayyana hakan ne a jawabinsa na farko bayan rantsar da shi a Jos, babban birnin jihar.

Ya bayyana cewa, “A halin yanzu jihar nan na cikin bashin da ya haura Naira biliyan 200, inda bangaren kiwon lafiya ke bukatar kulawar gaggawa.

“Tsarin makarantunmu na bukatar gyara sosai, ababen more rayuwa sun lalace kuma a zahiri kowane bangare na bukatar gyaran gaggawa.

“Amma duk da dimbin bashin da jihar nan ke fama da shi a halin yanzu, hakan ba zai hana mu yi muku aiki yadda ya kamata ba.

“Mun himmatu ta hanyar samun kudaden shiga don yin ayyukan da suka dace.

“Dole ne na ce babu hanyoyin da za a magance wadannan kalubale cikin gaggawa, amma abu daya zan bayar da tabbataci, shi ne a shirye muke mu dauki kalubalen gaba-gaba don warware su.”