Masu garkuwa da mutane sun sace Kwamishinan Yada Labarai, Al’adu da Yawon Bude Ido na Jihar Binuwai, Mathew Abo.
Wani ganau ya shaida wakilinmu ya ce da misalin karfe 8 na dare ne ’yan bindiga a kan babubra suka kutsa gidan Abo da ke mahaifarsa a yankin Zaki-Biam da ke Karamar Hukuamr Ukum ta jihar, suka yi awon gaba da shi.
- NAJERIYA A YAU: “Yadda Na Sayar Da Gado Na Na Yi Karatu”
- A gaggauta kuɓutar da sauran ɗaliban jami’ar da aka sace a Gusau — Tinubu
Tsohon kakakin gwamnan jihar, Tahav Agerzua ya ce sai da ’yan bindigar suka tilasta daukacin mutanen gidan kwanciya a kasa, sannan suka dauke shi a kan babur zuwa inda ba a sani ba.
An yi garkuwa da Mathew Abo ne kasa da wata guda bayan an rantsar da shi a matsayin kwamishina a ranar 29 ga watan Agusta.
Karamar Hukumar Ukum na daga cikin wuraren da suka yi kaurin suna wajen ayyukan masu garkuwa da mutane a baya-bayan nan a jihar.
