Majalisar Dokokin Jihar Kebbi ta tsige Shugabanta, Ismaila Abdulmumini Kamba da Mataimakinsa, Muhammadu Buhari Aliyu.
’Yan Majalisar sun tsige shugabannin nasu ne a zamansu na safiyar Talata ba tare da bayyana dalilinsu ba.
- ’Yan bindiga sun kashe hafsoshin soji 2 a cikin NDA
- Majalisar Zamfara ta daina zama bayan garkuwa da mahaifin shugabanta
Mutum 20 cikin mambobin Majalisar ne suka amince suka kuma rattaba hannu don tsige shugabannin.
Sun kuma rantsar da dan Majalisa Muhammad Abubakar Lolo, mai wakiltar Bagudo ta Yamma a matsayin sabon Shugaban Majalisar, sai kuma Mohammaed Usman Zuru, mai wakiltar mazabar Zuru a matsayin Mataimakin Shugaban Majalisa.
