Wasu ’yan sanda da ke yawo da na’urar cirar kudi ta POS suna kwatar kudade daga hannun mutane sun rasa aikinsu.
Kwamishinan ’Yan Sandan Jihar Imo, Mohammed Barde, ya ce jami’an da aka kora su bakwai sukan kama mutane su tafi da su a wata mota zuwa wasu wurare na musamman su kwace musu kudade.
- Muna binciken kisan fararen hula harin jiragen yaki a Zamfara —Sojoji
- NAJERIYA A YAU: Anya ’Yan Najeriya Za Su Gamsu Da Tsarin Kayyade Cire Kudi?
Ya ce dubun jami’an da aka kora ta cika ne bayan rundunar ta samu korafi daga jama’ar gari kan abin suke aikatawa.
Ya shaida wa manema labarai ranar Alhamis a Owerri, baban birnin jihar, cewa an gano jami’an sukan yi sintiri dauke da na’urar cirar kudi tat POS, wadda suke amfani da ita wajen karbar kudi daga asusun bankin mutanen da suka kama.
