’Yan bindiga sun sace tsohon Kwamishinan Gidaje da Tsare-tsare na Jihar Adamawa, Injiniya Idris Babangida a ranar Talata.
Rahotannin sun bayyana cewa ’yan bindigar sun kewaye gidansa da ke kauyen Bajabire a Karamar Hukumar Girei ta Jihar, inda suka harbe shi a kafa, sannan suka kashe mutum biyu tare da jikkata wasu da dama kafin su yi awon gaba da shi.
- Majalisar Dokokin Kano ta bai wa Ganduje damar karbo bashin N10bn
- Babu me yi wa Buhari katsa-landan a mulkinsa — Fadar Shugaban Kasa
Wani dan uwansa ya bayyana wa Aminiya cewar wadanda suka sace shi sun bukaci a ba su Naira miliyan 30 a matsayin kudin fansar shi.
“Abin da ya fi daga mana hankali a yanzu shi ne ya tsallake rijiya da baya a lokacin zaben fidda-gwani na jam’iyyar APC, wanda har yanzu ba a gano wanda suka kai masa harin ba,” inji dan uwan nasa.
Da ya ke tabbatar da faruwar lamarin, Kakakin Rundunar ’Yan Sandan Jihar, SP Suleiman Nguroje, ya ce sun samu rahoton faruwar lamarin.
Ya kuma ce suna kokarin ganin an ceto shi daga hannun wanda suka sace shin.
