Hukumomin kasar Saudiyya sun sanar da ganin watan Ramadan na shekarar 1442 Bayan Hijira.
Sanarwar ta ce cewar ranar Talata, 13 ga watan Afrilu, 2021, ita ce daidai da ranar 1 ga watan Ramadan a kasar, amma za a fara gudanar Sallar Taraweeh daga ranar Litinin.
- Saudiyya ta mayar da Sallar dare zuwa minti 30
- Pantami zai maka kafar da ta zarge shi da ta’addanci a kotu
- Ramadan: Tsakanin daukar nauyin tafsiri da ciyarwa wanne ya fi falala?
- Tafsirin Ramadan: Izala ta tura malamai 500 zuwa kasashe
“An ga jinjirin wata a kasar Saudiyya, saboda haka 1 ga watan Ramadan, 1442 Hijiriyya, zai kasance gobe Talata ce 13 ga watan Afrilu; Za a fara Sallar Taraweeh, a Masallatan Harami daga bayan Sallar Isha, yau Litinin,” inji sanarwar da hukumomin suka fitar.
An watan ne a kasar Saudiyya yankin Tumai na kasar Saudiyya.
Kazalika wasu kasashen duniya sun ayyana ranar Talata, 13 ga Afrilu 2021 a matsayin ranar 1 ga Ramadan, 1442 Hijiriyya.
Kasashen sun hada da Qatar, Sudan, Jordan, Kuwait, Malaysiya, Indonesiya, Syria da kuma Falasdinu.
A daya hannun kuma, hukumomi sun bayyana cewa ba a ga wata ba a ranar Litinin a kasashen Indiya, Sri Lanka, Australia da kuma Brunei.
A halin yanzu dai a Najeriya ana jiran sanarwa daga Fadar Sarkin Musulumi, Muhammad Sa’ad Abubakar III, game da ganin watan na Ramadan.
