A kokarin ganin an shawo kan matsalolin tsaro da suka hana zaman lafiya a wasu kasashen Yammacin Afirka, Amurka ta samar da rundunar da za ta yaki ta’addanci a nahiyar.
Amurka ta kaddamar da rundunar sojin ce da za ta taimaka wajen shawo kan barazanar tsaron da kasashen Yammacin Afirka da dama ke fuskanta daga mayaka masu ikirarin jihadi.
- Fitaccen dan kasuwa a Kano Sani Yakasai ya rasu
- Shugaba Xi ya sha rantsuwar ci gaba da mulkin China a wa’adi na uku
DW ya ruwaito cewa, rundunar dai za ta kunshi sojoji daga kasashe akalla ashirin da tara, inda ta soma gudanar da atisaye a kasar Ghana.
Bayanai sun ce an tsara yadda za a horas da sojojin na Afirka a fagen dabarun yaki a yayin atisayen rundunar da aka yi wa lakabi da Flintlock.
Wannan na zuwa ne a daidai lokacin da wasu da ake zargin mayakan jihadi ne suka kai hari tare da hallaka wasu sojoji Burkina Faso kimanin goma sha daya a yayin da suka yi yunkurin kwace iko da wasu garuruwa a yankunan Gabashi da Arewacin kasar a daren ranar Alhamis da ta gabata.
Burkina Faso na daga cikin kasashen yankin Sahel da ke fama da ayyukan masu gwagwarmaya da makamai.
