Ambaliyar ruwa ta kara barnata dimbin dukiya a garin Argungu Karamar Hukumar Argungu, Jihar Kebbi.
Ambaliyar ta rusa gidaje da dama ta kuma tafi da dabbobi da har yanzu ba san dadinsu ba.
Malam Mansur Makama Argungu a zantawarsa da wakilinmu ya ce ruwan sama ne da aka yi da misalin 12 daren Lahadi ya yi ambaliya a cikin gari da kauyukan Argungu.
Mazaunin na garin, ya ce an tsinci gawar dabbobi da suka mutu a ambaliyar, baya ga wadanda ta yi awon gaba da su.
Yankunan da ambaliyar ta shafa a cewarsa sun hada da, Gwazange da Bakin Kasuwa da Gargar Iddi da Bayawa da Garkar Dogo Kafi Mari.
Ya ce jagorori a Karamar Hukumar sun jajanta wa mutanen ciki har sanannen malamin addini na Kungiyar Jama’atu Izalatil Bid’ah Wa Ikamatis Sunnah, Shaikh Abubakar Giro Argungu.
