Rahotannin daga Italiya sun nuna tsohon kocin Juventus, Massimilano Allegri, ya amince zai koma kungiyar don maye gurbin Andre Pirlo.
Allegri ya ajiye aikin horar da Juventus a 2019, inda kungiyar ta dauki Maurizio Sarri.
- Villarreal ta lashe gasar EUROPA
- Ta tabbata Zidane ya bar Real Madrid
- Yawon kiwo ya saba wa Musulunci —Masari
Sarri ya shafe kakar wasa daya da Juventus, amma daga karshe suka raba gari, kungiyar ta dauki tsohon dan wasanta Andre Pirlo a matsayin sabon kocinta a 2020.
Sai dai Juventus ta sha fadi-tashi a karkashin Pirlo, har ta yi rashin nasarar lashe gasar Seria A a karon farko tun bayan shekaru tara.
Tuni aka shiga yada rade-radin cewar kungiyar za ta sallami Pirlo tare da neman sabon mai horarwa.
