Alaba ya ci gajiyar lambar Sergio Ramos a Madrid

A Larabar da ta gabata ce Real Madrid da gabatar da David Alaba a matsayin sabon dan wasanta da zai fara haska wa a kakar mai zuwa.

Shugaban kungiyar, Florentino Perez, ya bai dan wasan riga mai dauke da lamba hudu, wacce ita ce tsohon kyaftin din kungiyar, Sergio Ramos ya goya kafin rabuwarsa da kungiyar a bana.

• Mayakan Boko Haram 50 mika wuya a Kamaru
• Ahmed Musa ya bar Kano Pillars, ya samu kungiya a Turkiyya

Bayan an kammala gabatar da tsohon dan wasan na kungiyar Bayern Munich, sai ya gana da ’yan jarida ta yanar gizo.

Ramos ya koma Paris Saint Gernain da taka leda, bayan rashin cimma daidaito na tsawaita masa kwataraginsa da ya nemi Real Madrid ta yi a karshen watan Yunin bana.

Kazalika, Alaba yarjejeniyarsa ce ta kare a Bayern Muncich a kakar da ta gabata, lamarin da ya bashi damar komawa Real Madrid da ta taka leda kan kwantaragin kaka biyar.