Cikin ikon Allah a 2022, tsayuwar Arafa ta kasance a ranar Juma’a.
Juma’a ita ce ranar Idin Musulimi a kowane mako, Arafa kuma ita ce ranar kololuwar aikin Hajji kuma yini mafi alheri a shekara.
- Falaloli 12 da ya kamata ku sani kan Ranar Arafa
- Munanan hare-hare 12 da aka taba kai wa gidajen yari a Najeriya
- Akwai hannun ‘na gida’ a harin kurkukun Kuje – Ahmed Lawan
Ga wasu abubuwa da suka sa haduwar wadannan abubuwa a rana guda zama na musamman:
- Ninkin alherai
Juma’a ranar farin ciki ce, haka ma ranar Arafa — Allah Na amsa addu’o’i da kuma yafe wa bayinSa — don haka a bana Musulmi sun samu wannan falala.
- Lada na musamman
Manzon Allah (SAW) ya ce aikin Hajji daya da aka yi tsayuwar Arafa a ranar Juma’a daidai yake da aikin Hajji 72 da ba a yi tsayuwar Arafa ranar Juma’a ba.
- Garabasa biyu
Annabi Muhammad (SAW) ya ce a duk ranar Juma’a akwai wani lokaci da Allah Ke amsa duk addu’ar da aka yi.
Ita ranar Arafa ana amsa addu’a, don haka a wannan shekara biyun sun hadu a rana guda.
- Hudubobi biyu
Kamar yadda Musulmi ke taruwa domin sauraron hudubar Juma’a haka ma alhazai ke taruwa su saurari hudubar Arafa.
- Babbar ranar tarihi
A ranar Arafa da ta kasance ranar Juma’a ce Allah Ya cika addinin Musulunci, a Hajjin Bankwana na Manzon Allah (SAW).
- Ranar yafiya
A ranar Arafa Allah Ya yi wa yawancin bayinSa gafara da kuma ’yanta su daga wuta zuwa Aljanna.
- Kamar ranar Alkiyama
Ranar Alkiyama za ta kasance a ranar Juma’a, ranar da duk halittu za su taro a filin Alkiyama.
A ranar Arafa kuma alhazai daga sassan duniya za su taru a fili daya, wanda hakan ke tunatarwa game da ranar hisabi.
