Gwamnan Jihar Kano, Abba Kabir Yusuf, ya umarci jami’an tsaro da su kawo ƙarshen daba da masu tada zaune-tsaye a jihar.
Yusuf, ya bayyana hakan ne a yayin taron majalisar zartarwa ta jihar (SEC) a Kano.
- Yadda dangantakar ɓangaren zartarwa da majalisa ta kasance daga 1999 zuwa 2024
- Mai laifin da ake nema ya zama kurman bogi na tsawon shekara 20
Gwamnan ya yi Allah-wadai da yadda ake samun tashe-tashen hankula a sanadin faɗan daba a wasu sassan jihar.
Gwamnan ya ce gwamnatinsa ba za ta amince da duk wani abu da zai kawo cikas ga zaman lafiya da tsaro ba a jihar ba.
Ya ɗora wa alkalan jihar alhakin zartar da hukuncin waɗanda suke tsare cikin gaggawa da adalci.
Ya buƙaci hukumomin tsaro da su mayar da hankali wajen kare rayuka da dukiyoyi.
Kazalika, Yusuf ya buƙaci jama’ar jihar da su bai wa gwamnatinsa gudunmawa, sannan su kasance masu kiyaye doka da oda a jihar.
