Daraktan Hukumar Kula da Lafiyar Ababen Hawa na Jihar Bauchi (bIO) Injiniya Muhammed Binni Abdulkadir ya bayyana cewa hukumarsa za ta fara shirya taron bita ga dillalan da ke sayar tsoffin babura a jihar domin nuna musu illolin da ke tattare da sayen babur din sata a wannan lokaci da ake fama da matsalar tsaro a kasar nan.
Ya bayyana haka ne lokacin da yake zantawa da wakilinmu a ofishinsa ranar Litinin da ta gabata. Ya ce daga yanzu hukumar za ta ci gaba da tsananta bincike a kan manyan hanyoyin jihar domin gano mutanen da suke hawa motoci ba tare da lamba ba, ko masu amfani da babur ba tare da sun yi rijista da hukumar tara kudaden shiga na gwamnatin jihar ba.
Daga nan ya ce zai ci gaba da shiga kafafen watsa labarai domin wayar da al’umma game da yadda za a rika mutunta dokokin hanya a jihar.
“Muna ba da shawara ga dillalan da ke sana’ar sayar da tsoffin babura a jihar da su sani cewa akwai hatsari mutum ya sayi babur din da babu rijista sannan kuma za mu ci gaba da kama masu karya dokokin hanya,”inji shi.
Za a shirya wa dillalan babura taron bita a Jihar Bauchi
Daraktan Hukumar Kula da Lafiyar Ababen Hawa na Jihar Bauchi (bIO) Injiniya Muhammed Binni Abdulkadir ya bayyana cewa hukumarsa za ta fara shirya taron bita…