Rundunar ‘yan sandan Najeriya sun ceto mutum 15 tare da tsare mutum biyu a wani gidan ladabtar da kangararru mara rijista a a unguwar Wuro Hausa wanda yake cikin Karamar hukumar Yola ta Kudu a jihar Adamawa.
Rahotan na cewa, ‘yan sandan sun kuma mutum biyu da ake zargin sun mallaki wannan gidan kason bogi.
Aminiya tayi kokarin zantawa da kakakin ‘yan sanda amma abin ya cutura, sai dai wani jami’in dan sanda wanda ya nemi a boye sunansa ya tabbatar da faruwar hakan.
A cewar jami’in dan sandan ya ce, “Ofishinmu sun sami labarin wannan gidan kason na bogi inda ba mu yi jinkiri ba, muka ziyarci wannan wajen”.
