Shugaban ’Yan Sanda Najeriya, Kayode Egbetekun, ya umarci rundunar ta farauto mabiya aƙidar Shi’a ’yan ƙungiyar IMN da suka hallaka ’yan sanda a Abuja.
A ranar Lahadi ne dai ’yan sanda biyu suka kwanta dama a Abuja, a yayin arangama da ’yan ƙungiyar ta IMN a Kasuwar Wuse da ke birnin Abuja.
An kuma kashe wani dan kasuwa tare da koma motocin ’yan sanda akalla guda uku a yayin rikicin kasuwar.
Ƙungiyar IMN ta bayyana cewa ita ma ta rasa mambobinta da dama da ba a tantance adadinsu ba, a yayin ɗauki-ba-daɗin.
- Yawan ɗanyen mai da Najeriya ke haƙowa ya ragu
- Abin da zai hana mu biyan sabon mafi ƙarancin albashi — Inuwa
Da yake sanar da umarnin shugaban ’yan sandan, Kakakin ’yan sandan Najeriya, Muyiwa Adejobi ya bayyana cewa zuwa yanzu mutum 97 na hannun rundunar kan zargin hannunsu a kisan ’yan sandan.
Ya kara da cewa rundunar za ta ci gaba da bincike domin gano ainihin abin da ya faru da kuma tabbatar da adalci ga jami’an da aka kashe.
Tuni kwamishinan ’yan sanda na yankin Babban Birnin Tarayya, Kenneth Igwe, ya bayyana takaicinsa kan kisan jami’an rundunarsa da ka a yi a rikincin.
Ya kara da cewa ba zi yi kasa a gwiwa ba wajen ganin an kamo tare da hukunta duk masu hannu a ciki.
