’Yan Najeriya 350 da suka makale a Sudan sun hau jirgi zuwa gida

’Yan Najeriya da suka shiga kasar Masar bayan yaki ya ritsa da su a Sudan suna hanyar dawowa Abuja.

Aminiya ta gano cewa ’yan Najeriya kimanin 350 sun isa filin jirgi da ke Aswan a kasar Masar da misalin karfe 9.30 na safe.

• Doguwa ya fito takarar shugaban majalisa a hukumance
• Buhari zai je London bikin nadin Sarkin Ingila

Majiyar ta ce, “Za a kwaso su a jirgin soji da na kamfanin AirPeace; 80 a jirgin soji samfurin C-130 sai wasu 274 a jirgin Airpeace.

“An fara hawa jirgi bayan an gama tantance su,” kafin su kamo hanya zuwa Abuja, inda ake sa ran za su iso bayan la’asar.

Majiyar ta ce wasu mutum 20 daga cikin fasinjojin kan iyakar kasar da ke Arqeen saboda rashin samu wuri a jirgi.