Gamayyar kungiyoyin kwadago na NLC da TUC sun sanar da tsunduma yajin aikin sai baba-ta-gani daga karfe 12:00 na daren wannan Litinin wayerwar garin Talata.
A wannan Litinin din ce dai Ƙungiyar Ƙwadagon ta umurci mambobinta da su fara yajin aikin gama-gari a fadin kasar sakamakon harin da aka kai wa shugaban NLC, Joe Ajaero.
Wata sanarwa da NLC da takwararta ta TUC suka fitar, ta ce an bai wa dukkan rassanta da kuma mambobi ke faɗin jihohi umarnin shiga yajin aikin.
Shugaban TUC, Festus Osifo, wanda ya yi jawabi ga manema labarai a hedikwatar ’yan kwadagon, ya ce yajin aikin zai ci gaba da kasancewa har sai “gwamnatoci a dukkan matakai sun farga da alhakin da ya rataya a wuyansu.”
Karin bayani na tafe…
